Hlaðvarp Bókasafns Hafnarfjarðar

Síðasta lag fyrir myrkur - Systu megin - Leiksaga (e. Steinunni Sigurðardóttur)

Síðasta lag fyrir myrkur er... Systu megin.  

Hjalti Snær Ægisson bókmenntafræðingur leiðir okkur inn í kvöldið með bókum, sögum, sagnfræði og tónlist í bókmenntahlaðvarpi Bókasafns Hafnarfjarðar, einn eða með góðum gestum. Sestu í uppáhaldsstólinn þinn, helltu upp á kaffi og komdu með. 

Systa býr ein í kjallarakompu við bágar aðstæður en hún ræður sér sjálf. Hún hefur losað sig að mestu undan ægivaldi Mömmu eins og Brósi, bróðir hennar og bandamaður í tilverunni. Saman hafa þau tekist á við harðan heim frá barnæsku en valið hvort sína leið, Brósi innan samfélagsins, Systa utan þess. Dagsdaglega dregur Systa fram lífið með dósasöfnun en þegar henni býðst aukið öryggi í skiptum fyrir frelsi er úr vöndu að ráða.

Síðasta lag fyrir myrkur - Barnalestin (e. Viola Ardone)

Síðasta lag fyrir myrkur er... Barnalestin. 

Hjalti Snær Ægisson bókmenntafræðingur leiðir okkur inn í kvöldið með bókum, sögum, sagnfræði og tónlist í bókmenntahlaðvarpi Bókasafns Hafnarfjarðar, einn eða með góðum gestum. Sestu í uppáhaldsstólinn þinn, helltu upp á kaffi og komdu með.

Hin napoleanska Viola Ardone er höfundur mánaðarins, og munum við fara yfir bókina Barnalestin, en hún er er þriðja bók höfundar og sú fyrsta sem vekur verulega athygli utan heimalandsins. Halla Kjartansdóttir þýddi.

Barnalestin er ljúfsár og heillandi ítölsk skáldsaga byggð á sönnum atburðum og fjallar um harða lífsbaráttu, fjölskyldubönd og neyðina sem markar fólki bás og örlög. Bókin segir frá Amerigo, sem er sjö ára og býr í sárri fátækt með móður sinni í Napólí. Heimsstyrjöldinni er nýlokið og innviðir landsins eru í rúst. Kommúnistar vilja bjarga börnum borgarinnar frá verstu hörmungunum og koma þeim til vetrardvalar norður í landi, þar sem ástandið er skárra. Þúsundum saman eru börn úr suðrinu send með lest eftir Ítalíu endilangri og veröldin sem mætir þeim í norðri er framandi. Nægur matur, hlý föt, öryggi – og ný fjölskylda, nýir siðir og ný tækifæri. Sum snúa aldrei aftur til fyrra lífs.

FlokkaFlakk - 001.943

Bókasafn Hafnarfjarðar keyrir fram þekkingu og skemmtun á öldum ljósvakans! Halldór Marteinsson upplýsingafræðingur tekur titill sinn alvarlega og upplýsir hlustendur um snilld og sniðugheit hins alræmda Deweykerfis. 

001.943 - Næstum því fremst í röðinni. 1943 er spennandi ártal og um að gera að veita þeirri góðu tölu athygli, enda mikil þekking þar á bakvið... - eða hvað? Stundum vitum við ekki alveg hvert hlutirnir fara, sér í lagi þegar að ekki er mikið af haldbærum sönnunum sem tengja má efninu. Og stundum, þegar lífið er flókið, er gott að byrja á núllinu...

Síðasta lag fyrir myrkur - Hundagerðið (e. Sofi Oksanen)

Síðasta lag fyrir myrkur er... Hundagerðið. 

Hjalti Snær Ægisson bókmenntafræðingur leiðir okkur inn í kvöldið með bókum, sögum, sagnfræði og tónlist í bókmenntahlaðvarpi Bókasafns Hafnarfjarðar, einn eða með góðum gestum. Sestu í uppáhaldsstólinn þinn, helltu upp á kaffi og komdu með.

Í kvöld tökum við fyrir Hundagerðið eftir Sofi Oksanen, en þar tvinnast líf allslauss innflytjanda í Helsinki saman við sögu Úkraínu eftir fall Sovétríkjanna; í umróti sem fylgdi sjálfstæði landsins reyndi hver að bjarga sjálfum sér og þegar spillingin heima fyrir mætti vestrænni græðgi urðu fátækar stúlkur á milli. Í valdabaráttu auðugra fjölskyldna varð líf þeirra einskis vert, frjósemin það eina sem þær höfðu að selja.

Sofi Oksanen er einstaklega glögg á mannlega tilveru og í þessari áhrifamiklu og spennandi sögu er stungið á viðkvæmum kýlum samfélagsins í beittum texta og vel byggðri frásögn. Hundagerðið er fimmta bók Sofi Oksanen sem kemur út á íslensku.

Erla E. Völudóttir þýddi úr finnsku.

Ræmurýmið - Survive Style 5+

Ræmurýmið er kvikmynda- og ræmuunnendaklúbbur Bókasafns Hafnarfjarðar, og er í umsjón Gunnhildar Ægisdóttur, kvikmyndafræðings. Mánaðarlega kemur út stuttur hlaðvarpspistill um kvikmynd mánaðarins, og myndin svo sýnd á bókasafninu viku síðar.

Survive Style 5+ eftir japanska leikstjóran Gen Sekiguchi, og segir fimm samhliða sögur sem sveigjast, blandast og flækjast á furðulegan máta.
Fyrsta sagan segir af eiginmanni sem hefur orðið eiginkonu sinni að bana – oftar en einu sinni – en finnur hana alltaf aftur lifandi og bíðandi eftir honum við eldhúsborðið, bálreiða yfir athæfinu. Önnur sagan segir af úthverfafjölskyldu sem lendir í því óláni að fjölskyldufaðirinn telur sig vera fugl, sú þriðja af tríói unglinga sem stundar húsbrot sér til skemmtunar og sú fjórða af morðóðum auglýsingahönnuði með ritstíflu. All smellur þetta svo saman fyrir tilkomu bresks leigumorðingja og túlks hans.

Meðal leikara eru Tadanobu Asano, Hiroshi Abe , Vinnie Jones og Sonny Chiba

Ræmurýmið - Office Space

Ræmurýmið er kvikmynda- og ræmuunnendaklúbbur Bókasafns Hafnarfjarðar, og er í umsjón Gunnhildar Ægisdóttur, kvikmyndafræðings. Mánaðarlega kemur út stuttur hlaðvarpspistill um kvikmynd mánaðarins, og myndin svo sýnd á bókasafninu viku síðar.

Office Space er óður til hinna vinnandi barna áttunda áratugarins og kolsvört kómedía um dáleiðslu, fyrirtækjakúltúr, ömurlega yfirmenn, síbilandi prentara, sérfræðiþekkingarlausa „sérfræðinga“ og mikilvægi rauðra heftara.

Peter, Samir og Michael vinna á andlega dauðri skrifstofu hugbúnaðarfyrirtækis, klæðast hvítum skyrtum og þjást. Peter, að ráði unnustu sinnar, heimsækir dávald í tilraun til að ná taki á kvíða og lífsleiða, en það er upphaf atburðarásar sem endar með ósköpum, sér í lagi fyrir prentara.

 

Meðal leikara eru Ron Livingston, Jennifer Aniston, Stephen Root og Gary Cole. Leikstóri og höfundur er Mike Judge.

FlokkaFlakk - 787.87

Bókasafn Hafnarfjarðar keyrir fram þekkingu og skemmtun á öldum ljósvakans! Halldór Marteinsson upplýsingafræðingur tekur titill sinn alvarlega og upplýsir hlustendur um snilld og sniðugheit hins alræmda Deweykerfis. 

Flokkur dagsins er 787.87 - Veist því hvað gripplað strengjahljóðfæri er? Halldór veit það! Og það sem meira er, hann nýtir sér stærstu tónlistardeild á almenningsbókasafni á landinu til að útskýra það frekar. Listir-Tónlist-Hljófæri...og svo enn dýpra. Hvaða fyrirbæri ætli sé númer 787.87?

Síðasta lag fyrir myrkur - Þættir af sérkennilegu fólki (e. Önnu Heiðu Baldursdóttir o.fl.)

Síðasta lag fyrir myrkur er... Þættir af sérkennilegu fólki. 

Hjalti Snær Ægisson bókmenntafræðingur leiðir okkur inn í kvöldið með bókum, sögum, sagnfræði og tónlist í bókmenntahlaðvarpi Bókasafns Hafnarfjarðar, einn eða með góðum gestum. Sestu í uppáhaldsstólinn þinn, helltu upp á kaffi og komdu með.

Það eru ekki færri en sex höfundar sem koma að þessari sérstöku bók sem var opnun á reglulegum fundum hins frækna Lestrarfélags Framfarar, en sem áður heldur Hjalti um taumana og er þátturinn að hluta til tekin upp á opnum fundi á Bókasafninu þar sem að höfundar bókarinnar mættu í spjall. Bókin fjallar um fólk sem var á einhvern hátt hornreka í samfélögum fyrri tíðar og hvernig það bæði náði að þreyja þorrann og góuna og um leið að hafa áhrif á samtíð sína með margvíslegum hætti og er opnun þema annarinnar; birtingarmynda fátæktar í bókmenntum. 

Þrýstingurinn - 5. þáttur - Blautir kossar og Berthold: Kjötfarsi e. Smára Frey og Tómas Gunnar

„Mikið afskaplega eru leiðinlegar svona sérhannaðar bókmenntir fyrir unglinga.“
Eva - Stella í Orlofi (1986)

Hver var ekki-uppáhaldsbókin þín? Þrír nördar og bókabéusar, ekki lengur unglingar, en voru það einu sinni, fara yfir titla æsku sinnar (og eldri) og pæla hvað í ósköpunum gekk eiginlega á í unglingabókmenntum. En hver þarf ekki smá Þorgrím í lífið svona endrum og eins?

Við höldum áfram að taka fyrstu og síðustu bók höfunda, en til umfjöllunar í dag eru ekki minni menn en Smári og Tómas, (þá) átján ára snillingar sem gáfust upp á unglingabókum skrifuðum af þrítugum gaurum sem voru með skammarlega lágt high score í Snake og vissu ekki hvað irkið var, og skifuðu bara sínar eigin bækur. Húrra fyrir þeim!

Siggi er með okkur í dag sem hið einstaka karllæga sjónarhorn á jafn einstakar bækur. Hugsanagangur og furðuleg hugmyndafræði tíunda áratugarins - sér í lagi út frá unglingum - gerir þessar bækur að frábærum, háþrýstingsvaldandi konfektmolum.

Jóladagatal Bókasafns Hafnarfjarðar - 18. þáttur

Lestralemúrinn er lítill og knúsulegur bókabéus sem elskar bækur, - en það er ekki tekið út með sældinni að vera lítill og mjúkur þegar maður týnist í Hafnarfirði svona rétt fyrir jólin! Og enn verra þegar maður týnir bókasafninu sínu!

Jóladagatal Bókasafns Hafnarfjarðar birtir þátt alla virka daga frá og með 1. desember fram að jólum. Ítarefni fyrir leikskóla og grunnskóla má finna á heimasíðu bókasafnsins.